Tanhaai

Muddat ke baad tumhe jana hai
Khamoshiyan sataati hai ab
Guftagoon karein zehan se kuch
Khilkhilaat teri rulaati hai ab

Shikwa hai tumse
Ye ki tumne hume abroo na rakha
Waqt ka khel humne tarasha
Tumne bhi honsla na rakha

Haste rahe bechaineyaan leke
Ye sochke ke nayi manzil aayegi
Kya pata kisi daur pe humein
Zindagi naye aashiq se milwaayegi

Aawara dil ne ye bhi maana
Ke ye to ek riwaaz hai
Chahne ki tamanna hai ek khwaish khud me
Tumko lekar ishq ek raaz hai

Ruswa bhi hui
Manaya bhi nahi, jaane kis shiddat se chaha tumhein
Shabnam ka aansuon par kaliyon ka muskurana
Apni khushi se aana, apni khushi se jana

Rote hue phool sa tera aashiyana
Gale lag ke jaise taaron sa jhil milana
Mud ke dekho, dagmaga na jaaye
Marke kabr se tera, mere liye wapas aana

Behti nadi jaise hum kabhi na kabhi toh milenge
Shayad woh pal abhi haseen ho
Rooh jaisi sargam, lehraati ho tan pe jaise
Mujhse zyada tera aashiyana rangeen ho . . .

© Latika Sareen